Maison Francis Kurkdjian Rouge Baccarat 540.
2016-03-07
Գարնան առաջին օրերին Hermitage-ն արդեն երրորդ անգամ հյուրընկալել էր հանրահայտ ֆրանսիահայ պարֆյումեր Ֆրանսիս Քյուրքջյանին: Առիթը Maison Francis Kurkdjian օծանելիքի տան և Baccarat բյուրեղապակու կայսրության համագործակցության արդյունքում ծնված Rouge Baccarat 540 բույրն էր: Այս աշխարհահռչակ ստեղծագործության առաջին շնորհանդեսը տեղի է ունեցել Հայաստանում՝ Hermitage-ի սրահներում, իսկ հետո բույրը նոր ներկայանալու է միջազգային ասպարեզում:
Օծանելիքի տուփը բացելուն պես կգտնեք փոքրիկ գրքույկ, որի վրա գրված է «Հաղորդագրություն» կամ Massage: Այն հայտնում է, որ հրավիրված եք Rouge 540-ի պոետիկ տիեզերքը, ալքիմիական մի աշխարհ, որը հնարավոր է դարձել Maison Francis Kurkdjian օծանելիքի տան նոու-հաուների և Baccarat-ի համագործակցության արդյունքում և կոչված է տոնելու բյուրեղապակու կայսրության 250-ամյակը:
«Baccarat-ն ինձ լիակատար ազատություն էր տվել, և ես որոշեցի ուշադրությունս կենտրոնացնել բյուրեղապակու ստեղծման պրոցեսի վրա։ Խոսքը Baccarat-ի հայտնի կարմիր բյուրեղապակու մասին է, քանի որ կարմիրի այդ երանգը ստանալու համար անհրաժեշտ է ապակուն ավելացնել 24 կարատանոց ոսկու փոշի եվ ապակին տաքացնել մինչև 540 աստիճան» - ասում է Ֆրանսիսը:
Gallery
Dear Customer, you have made a price request for the given product, please check your e-mail address.