About Us

About us

Առասպելի ծնունդը

Ինչպես և հարիր է առասպելին, այս մեկը ևս, որ ստացավ Hermitage արվեստբանական անունը, հիմնված է ընտանիքի և ընկերության կուռ արժեքների վրա:

Միևնույն գաղափարներով ջերմորեն տարված մի խումբ անձանց, որ հիմնադրեցին Hermitage-ը, միավորում էր նաև սերն ու կիրքը օծանելիքի հանդեպ:

Hermitage
Hermitage

Բույրերի կախարդանքը

Լավագույն ժամանակի մեքենան, որ մարդիկ բացահայտել են իրենց գոյության պատմության ընթացքում, բույրերն են:

Երբ անցնում եք թարմ թխված կարկանդակներով ցուցափեղկի մոտով, երևակայությունը ձեզ սրնթաց տեղափոխում է տատիկի խոհանոցը, որի պատուհանի սպիտակ ժանյակե վարագույների հետևում արևի տակ կայծկլտում են գունագեղ ծաղիկները, իսկ համեմունքների սուր հոտը հիշեցնում է հեռավոր անապատներում անմոռանալի ճամփորդությունների մասին:

Արյան կանչը

Այնքան բազմազան տաղանդներով օճտված մի բուռ ժողովրդի զավակների մեջ պետք է նաև պարֆյումերներ լինեն, այլ կերպ չի կարող լինել: Եվ գաղափարակից ընկերների հաջորդ քայլը հայ պարֆյումերների հետ կապեր հաստատելն էր:

Արդյունքում նոր ծանոթությունների և բացահայտումների ճանապարհով ստեղծվեց հայ և օտարազգի պարֆյումերների հետ բազմաթիվ գործնական կապերի մի մեծ ցանց, որն անկասկած պետք է իր հասցեն ունենար այստեղ՝ քաղաքամայր Երևանում:

Hermitage
Hermitage

Հիշողությունների թանգարան

Այսօր Hermitage օծանելիքի խանութ-սրահների ցանցը այն վայրն է, որտեղ ծնվում են երևակայության սահմաններից դուրս զգացողություններ, որտեղ ժամանակը փոխում է իր սովորական ընթացքը, որտեղ տարածությունն առաձգական է դառնում, որտեղ անհատականությունը բացում է իրական դեմքը և որտեղ ծնվում է հենց ձեր առասպելը: